Infrastrukture

Data	Premtimi	Linku	Screenshot
	Hyrja e Qytetit, Kartolina Europiane e Shqipërisë Projekti përfshin krijimin e një parku buzë Bunës e cila do të krijojë parkun më të madh çlodhës dhe argëtues në Shkodër. Parku , përveçse në lulishten e vjetër do të shtrihet edhe në zonën mes dy bypasseve (Lot 1 dhe 2) duke krijuar një Koncept të ri të një parku sportiv e funksionesh të tjera rekreative që bashkëjeton me përmbytjet sezonale kur ngrihet niveli I Liqenit në dimër.. Parku do të jetë një mushkëri e qyteti plot me gjelbërim me një sipërfaqe prej rreth 18 hektarë dhe do të krijoje një marrëdhënie të re mes qytetit e liqenit si një bashkëjetesë ekologjike e në respekt të vlerave mjedisore; Një rrjet rrugësh e rrugicash për këmbësorë e biçikleta që lidhin natyrën me rrugë panoramike; një vendtakim të jashtëzakonshëm për evente publike; portin pranë urës së Bunës si një pol turistik për lundrimin e Bunës dhe liqenit dhe një muze si tribut për të shkuarën e Shkodrës Ky projekt përfshin edhe zgjerimin e rrugës nga Harku i Bërdicës tek Ura e Bahcallëkut përfshirë dhe zgjerimin e urës në katër korsi. Projekti do të japë edhe zgjidhjen e qarkullimit në kryqëzimet dhe në rrjedhshmërinë e trafikut nga Ura e Bahcallëkut tek rreth rrotullimi I bypass-it të ri drejt kryqëzimit në Xhabije. Do të krijojë një qarkullim normal për makinat, transportin publik dhe veçanërisht këmbësorët dhe biçikletat për të arritur në mënyrë komode një nga zonat më të bukura të qytetit tonë.	https://shkodrapozitive.com/programi-projekte-3/
	Programi i transformimit urban të Shkodrës. Transformimin urban të akseve kryesore të qytetit me trotuare të rregullta e të çliruara, korsi biçiklete të dedikuar, gjelbërim të bollshëm, fasada të unifikuara e ndriçim të përshtatshëm. Masa të nevojshme për përmirësimin e qarkullimit si semaforë, vija të bardha për kalimin e këmbësoreve, trotuare të përshtatshme për persona me aftësi të kufizuar. Si projekt model, i cili do të shtrihet edhe në zonat e tjera , për këtë qëllim ,do të jetë rivitalizimin e bulevardit Zogu 1 nga Xhabija e deri në Qendër i cili do të kthehet në një korridor të bukur urban lidh pikat më tërheqëse të qytetit mes parkut të Bunës dhe qendrës së qytetit duke krijuar një fytyrë të re për qytetin dhe krijuar mundësi të reja për bizneset përgjatë këtij aksi. Rekuperimi dhe investimi kudo është i mundur të hapësirave publike, parqeve të vogla mes lagjeve të banimit e këndeve të lojrave për fëmijë. Investim prej të paktën 50 km rrugë urbane në rrugët e rrugica në lagje të qytetit, në zonat informale periferike të qytetit dhe në fshatrat e mëdhenj që në vizionin tonë do të jenë praktikisht lagje të qytetit.	https://shkodrapozitive.com/programi-projekte-3/
	Rikonstruksioni dhe muzealizimi i Muzeut Historik të Shkodrës në kala. Muzeu i lundrimit, një tribut i jashtëzakonshëm për historinë e lundrimit në liqen e Bunë dhe pazarit të Shkodrës. Muzeu i Natyrës apo Foleja në Shirokë si një vlerë e shtuar e atraksionit të liqenit. Shtegu i Taraboshit me historitë e liqenit dhe qytetit e pikat panoramike.Itinerari i Taraboshit si një shteg që tregon historitë e liqenit e të Shkodrës. Do të mbështeten këto investime kryesore: Infrastruktura lidhëse e bashkisë, Shkodra si qendër rajonale Ura e re e Bunës mes dy vendeve krijon një mundësi unike në këtë drejtim do të punojmë për të përfunduar rrugën Shëngjin-Baks Rrjoll dhe segmentin e fundit të rrugës më Shkodrës e Velipojës e lidhjen me urën e re drejt Ulqinit. Rruga e Dukagjinit do fillojë punën brenda pranverës 2024 për të përmbyllur unazën e Alpeve dhe lidhjen e fshatrave më periferike e malore të bashkisë duke hapur një aks të ri për zhvillimin e turizmit malor por edhe hapjen e një aksi të ri komunikues me Tropojën dhe Gjakovën. Rruga e re (në ndërtim) rruga Shirokë-Zogaj-Kufi së bashku me pikën kufitare të re do të krijojë lidhjen me zonën e Krajës si me rrugë automobilistike, biçikletash dhe varkash nëpërmjet rrjetit të moleve. Rikonstruksioni dhe muzealizimi i Muzeut Historik të Shkodrës në kala.
10/5/2023	-Ura e Bunes qe lidh Ulqinin me Velipojen -Rruga qe lidh Shiroken me Zogajn -Rruga nepermjet Dukagjinit qe shkon ne Gjakove -Projekti per hyrjen e Shkodres (Porta Hyrese)	https://fb.watch/ktKENbqIkY/
5/5/2023	Radhën tani e ka rruga e Dukagjinit, për t’i dhënë vëmendjen dhe zhvillimin që i takon!
5/5/2023	Përfundimi i rrugës së re të Velipojës dhe ura mbi Bunë. Një nga projektet kryesore për ndërlidhjen e Shkodrës edhe me territoret përreth është përfundimi i pjesës së fundit të rrugës nga Qafë Shtiqën në Velipojë Plazh dhe ura e re mbi lumin Bunë në fshatin Pulaj, lidhja e re drejt Ulqinit. Ky projekt ka përfitime të shumëfishta: - Do të kompletohet rruga Shkodër-Velipojë për një akses të shpejtë mes Shkodrës dhe Velipojës. Së bashku me zgjerimin e rrugës hyrëse për në Shkodër nga Harku i Bërdicës, udhëtimi Shkodër-Velipojë do të jetë më i shpejtë dhe i sigurt. - Do të përfundohet lidhja mes Velipojës dhe Shëngjinit duke shkurtuar me më shumë se një orë e gjysmë distancën mes tyre. - Do të ndërtohet rruga lidhëse dhe ura e re mbi Bunë drejt Ulqinit duke shkurtuar më shumë se një orë e gjysmë distancën mes dy plazheve.
4/5/2023	projekti Porta e Alpeve.
3/5/2023	Projektet strategjike për Shkodrën- Business Park North (BPN) Parku i Biznesit i Veriut.
27/4/2023	NË 4 VITET E ARDHSHME NUK DO TË KETË ASNJË RRUGË TË PAASFALTUAR NË QYTETIN SHKODËR!
26/4/2023	HYRJA E SHKODRES, PARKU LIGATINOR DHE FUSHAT E SPORTIT	https://www.facebook.com/beci.benet/posts/pfbid0JEVhumpZQXizuEkUN14c4dGB8avTxUCE3B2HbdBVH5HfszGYkQzDcvBJt1hnSJbkl?__cft__[0]=AZWO7xCijzTSiyaKpNRwAJMWA92C4yvytKMUAwEy0PwoLsN0DqQ6C10_WRx3crokJwxhbXvXkIBuFBotXtVgdJ0L_zd-a6795Ti-2JLXRr8uRW-fXo0UaHf-yFQVJOh9YxibA4VfQMhXE9OlnjGKDsyoSeUPsvDSOAtqad42DIt5xkdmdJWTWSbYPVogCKn611g&__tn__=%2CO%2CP-R
13/4/2023	Me banorët e Rrethinave. Në një komunitet të madh ku problemet e infrastrukturës janë shqetësuese. Shkolla e mesme mungon në këtë zonë, ndërsa uji i pijshëm ka cilësi për t'u përdorur për vaditje, por jo për konsum familjar. Mbeturinat, mungesa e transportit publik ... është e gjatë. Çfarë mund të bëjë bashkia me burimet e veta për këto shqetësime? Shumë më tepër sesa sot: - Mund dhe duhet të kemi një qytet dhe fshatra shumë më të pastër se sa kemi sot. - Mund dhe duhet të kemi një kontroll më të mirë të territorit dhe të hapësirave publike. - Mund dhe do të kemi një transport publik që mbulon gjithë qytetin dhe fshatrat më të mëdhenj që të jenë praktikisht pjesë e qytetit. - Mund dhe do të kemi një rrjet të mbrojtur të korsive të biçikletave. - Mund dhe do të kemi trotuare të çliruara, të investuara e të mirëmbajtura. - Mund dhe do të kemi rrugë të fshatrave të investuara e të mirëmbajtura. - Mund dhe do të kemi shkolla të pastra, të ngrohta, të mirëmbajtura dhe terrene shkollore sportive të përshtatshme. - Mund dhe do të kemi lagje të pastra, të sigurta e të ndriçuara. - Mund dhe do të kemi shërbim më cilësor në shërbimin e furnizimit me ujë dhe kanalizimeve.
31/3/2023	Me banorët e Bahçallëkut, të rinj a të moshuar që ndajnë shqetësimet e tyre për çështje që ndikojnë përditshmërinë. Problemet me trafikun a sinjalistikën në rrugën hyrëse janë të mëdha. Mbikalimi në rrugën kryesore hyrëse për në Shkodër nuk është i përshtatshëm as për të moshuarit, as për fëmijët në karroca apo personat me aftësi të kufizuara. Këto çështje kanë nevojë për zgjidhje të mirëmenduara e përfundimtare, me buxhete të konsiderueshme e bashkëpunim me qeverinë dhe me donatorë.